| Définition
|
g umnid n tsnamunt, tettyaskar tmagit tanamunt g tgrumma n wassarn s nzmr ad-tn-nzzgzel g uya :assar n tilit (imil, ili), assar n usidf, anmri n usxitr (asutg, asmɣur), assar n tiḍaf, assar n usuggid, ...
s wakka yaḍn, tamggarut-ad tettuṣka s maṛṛa tfrisin nɣ tmẓlay d inamaẓn nna iskarn g kra n wuggid nɣ akkʷ kra n uberru afrad uzzig ttakzn wiyyaḍ s s yan imk.
aywa, g umnid n tsnimant, tamagit d afrdis tikki tzigzt n tgʷmanit d usidf g kra n wummiẓ ittwldayn s imikk s imikk, tajj uggidn n bṛṛa ad akzn s usddi n tfrisin, n tnamit n tilal, n iẓuyar d n tsɣan g wamun nna g yan « gi » da igmma nɣ iɣal is ad igm.
nil kluḍ dubar (Claude DUBAR), tamagit mi qqarn tanamunt tla sin ifrdas ur ibṭṭun : tamagit tanimant d tamagit tamdant.
1.tamagit tanimant : tga tamagit n tidt n tilit. tga tnaṭṭuft n usesnamun nna ibaḍn g tuṣka d yikz n « ntta »: tamagit-a da tsllwu timyaqqanin tunmasin jaj n « nkk »;
2. tamagit tamdant nna d irwnt tmyaɣin tinamunin- tga yat tamagit nna iskar « nekk » ar tt immal i wiyyaḍ (ar tt iffal ad tit ẓṛn). tamagit-a da tsllwu timyaqqanin timsɣura ittnyuddun inger « nekk » d « wyaḍ ».
|
