]> 2026-06-08T11:11:40+02:00 Tamagit 0 fr sg ma ay d iffɣ yirm-ad ggudin-as ismras d sbubban as yat taggʷat timiẓiṛt tagtiẓlit. d awd kud ittddu unamk nnes ittɣudu allig yaɣul imqqur unamk nnes d yan usmrs ansnas g mennaw n yigran : - tizwiri taguri «tamagit» iga tt uynna yaksuln ; - iga agdazal n tulut (agdazal n ummrwas) « sin iskkin n twngimt yaksuln»; - g tflsaft ɣurs anamk n yiwt tmtta «agzzum igan yiwn»; - g tsnimant iga akniw n uɣlla «aynna ittɣiman abda yaksul d iɣf nnes» ; - g uzrf iga tt waddad d ustay (asuggd) «ad ig wuggid yan bnadm mi issn uzrf is illa d is iẓly xef wiyyaḍ s ifrdas nna t iẓẓlin am waddad uɣrim... nil birnar laẓaṛ (Bernard LAZARE) tga tmagit ad tumut g kra n ubrru anfgan takit ids». nil jurj hirbr mid (George Herbert Mead) tga tmagit zun d yat tzigzet isskarn jggʷa n ufgan g tudrt nnes akkʷ: tamagit n kra n ufgan tzdy nican s tzigzet n usnamun. awd afgan ur igi win iɣf nnes acku da igmma nil tannayin ɣifs ikkin wiyyaḍ g kra n umnaḍ anamun. g umnid-ad da issfru is : « (tankkint) da tettwaskar yat s yat. ur da tetttwfka g tlalit maca da d tettlwu g tzigzt n yirm (nɣ irim nɣ tarmit) d umussu inamunen. da tgmmu ɣur ca n wuggid am tnaṭṭuft n imyassatn nnes d tzigzt-ad d awd d wuggidn digs yamun» ( Mead G. H. E. S. S. tasna. 135). ifaw is tqqn tmagit n kra n wuggid s umnaḍ n igrmyassatn illan gr as iddɣ iga ntta d wayḍ minzi uggid ur da t nttakz xes adday yili agnsu n wamun. g tiẓiṛt n tslḍt n yiman tskutta tamagit n wuggid xef unbuttl n kigan n gr-ibrdan : nttaffa s umata tilit tabyulujit d tilit n yiman (tilit n tnkkint d tilit tanamunt ɣursnt awd nitnti yat tusurt tamqqrant iqqan d ad ur tnt nssitm nɣ tnt nssinf)) ad yuggan tugna. sin ifrdas-ad ur ibṭṭun gan idslann g tuṣka n tmagit n kra n wuggid mqqar tlla tnmgla g twuri nnesn da ttawsn ad ssfrun tigmi n ufgan g tudrt. g yiman n ufgan issfra Frud (Freud) imc (mamk) nɣ amk ila ufgan g jggʷa nnes yan unagraw n yiman nna g ibaḍ yan ugraw n imenzayn. angraw-ad d bu kraḍ wudmawn nɣ tisggʷin. Frud ((Freud) ) ibḍa angraw-a xef : - udm amzwaru: war afrak dat ufrak d bu ufrak ; - udem wiss sin : «g» «gi» «nnig gi». Le Grand Robert Ed. Le Robert 2005. (Version électronique) Mead G. H. L’esprit le soi et la société Paris P.U.F. 2006 p. 135. //// Deschamps Jean-Claude Moliner Pascal L'identité En Psychologie Sociale : Des Processus Identitaires Aux Représentations Sociales Ed. Armand Colin 2012 p. 13. Lamizet Bernard politique et identité Lyon Ed. Presses Universitaires de Lyon 2002 p. 129. Aubert-Godard Anne « Filiation en question : maladies génétiques identités incertaines filiations perturbées » n°168 2005 p. 26. Casoni Dianne Brunet Louis La psychocriminologie : apports psychanalytiques et applications cliniques Montréal Ed. Les Presses de l’Université de Montréal 2003 p.26. 2021-09-18T19:00:43Z 2459476.2921644 Tamagit Identité 0 fr Identité هوية 0 fr هوية Tamagit tadlsant 0 fr Tamagit tadlsant Traduction Amazigh 102 fr Traduction Amazigh Traduction amazigh 102 fr Traduction amazigh Voir aussi (am) 102 fr Voir aussi (am)