Tamagit

Définition (am) 1.

Auteur(s)	Nadia Kaaouas, Daoud Knioui, Sabrina Mazigh

La(es) source(s)	Le Grand Robert, Ed. Le Robert, 2005. (Version électronique)

Définition

sg ma ay d iffɣ yirm-ad, ggudin-as ismras d sbubban as yat taggʷat timiẓiṛt tagtiẓlit. d awd kud ittddu unamk nnes ittɣudu allig yaɣul imqqur unamk nnes d yan usmrs ansnas g mennaw n yigran : - tizwiri, taguri «tamagit» iga tt uynna yaksuln ; - iga agdazal n tulut (agdazal n ummrwas) « sin iskkin n twngimt yaksuln»; - g tflsaft, ɣurs anamk n yiwt tmtta «agzzum igan yiwn»; - g tsnimant, iga akniw n uɣlla «aynna ittɣiman abda yaksul d iɣf nnes» ; - g uzrf, iga tt waddad d ustay (asuggd) «ad ig wuggid yan bnadm mi issn uzrf is illa d is iẓly xef wiyyaḍ s ifrdas nna t iẓẓlin am waddad uɣrim... nil birnar laẓaṛ (Bernard LAZARE), tga tmagit ad tumut g kra n ubrru anfgan, takit ids».

Traduction(s) Français	Identité

Traduction(s) Arabe	هوية

Définition (am) 2.

Auteur(s)	Nadia Kaaouas, Daoud Knioui, Sabrina Mazigh

La(es) discipline(s)	Psychologie, Sociologie

La(es) source(s)	Mead, G. H., L’esprit, le soi et la société, Paris, P.U.F., 2006, p. 135. //// Deschamps, Jean-Claude, Moliner, Pascal, L'identité En Psychologie Sociale : Des Processus Identitaires Aux Représentations Sociales, Paris, Ed. Armand Colin, 2012, p. 13.

Définition

nil jurj hirbr mid (George Herbert Mead), tga tmagit zun d yat tzigzet isskarn jggʷa n ufgan g tudrt nnes akkʷ: tamagit n kra n ufgan tzdy nican s tzigzet n usnamun. awd, afgan ur igi win iɣf nnes, acku da igmma nil tannayin ɣifs ikkin wiyyaḍ g kra n umnaḍ anamun. g umnid-ad, da issfru is : « (tankkint) da tettwaskar yat s yat. ur da tetttwfka g tlalit, maca da d tettlwu g tzigzt n yirm (nɣ irim, nɣ tarmit) d umussu inamunen. da tgmmu ɣur ca n wuggid am tnaṭṭuft n imyassatn nnes d tzigzt-ad d awd d wuggidn digs yamun» ( Mead, G., H., E. S. S., tasna. 135). ifaw is tqqn tmagit n kra n wuggid s umnaḍ n igrmyassatn illan gr as iddɣ iga ntta d wayḍ, minzi uggid ur da t nttakz xes adday yili agnsu n wamun.

Traduction(s) Français	Identité

Traduction(s) Arabe	هوية

Définition (am) 3.

Auteur(s)	Nadia Kaaouas, Daoud Knioui, Sabrina Mazigh

La(es) discipline(s)	Philosophie, Psychologie, Sociologie

La(es) source(s)	Lamizet, Bernard, politique et identité, Lyon, Ed. Presses Universitaires de Lyon, 2002, p. 129. Aubert-Godard, Anne, « Filiation en question : maladies génétiques, identités incertaines, filiations perturbées », [[Source::[in] Dialogue]], n°168, 2005, p. 26.

Définition

g tiẓiṛt n tslḍt n yiman, tskutta tamagit n wuggid xef unbuttl n kigan n gr-ibrdan : nttaffa s umata tilit tabyulujit d tilit n yiman (tilit n tnkkint d tilit tanamunt ɣursnt awd nitnti yat tusurt tamqqrant, iqqan d ad ur tnt nssitm nɣ tnt nssinf)) ad yuggan tugna. sin ifrdas-ad ur ibṭṭun gan idslann g tuṣka n tmagit n kra n wuggid, mqqar tlla tnmgla g twuri nnesn, da ttawsn ad ssfrun tigmi n ufgan g tudrt.

Traduction(s) Français	Identité

Traduction(s) Arabe	هوية